Өлең, жыр, ақындар

Сарғайып жатты көк белдер

  • 08.11.2021
  • 0
  • 0
  • 556
Сарғайып жатты көк белдер,
Сарғайып келді көктемдер.
Сарғайып хаттар жазады,
Ауылдан сонда кеткендер.
Сарғайып атты ақ таңдар,
Сарғайып батты көп күндер.
Босамай жонда жатқан қар,
Сарғайып сайды өптіңдер.
Сол жылдар, суық ақпандар,
Сарғайтып кімді кеттіңдер?
Сәуледей нәзік үмітін,
Арулар жүрген тербетіп.
Сарғайып тосты күні-түн,
Бір хатты жүрек шөлдетіп.
Сарғайтып келді хаттар да,
Сарғайып жауған жапырақтай.
Әр сөзі сол бір шақтарда,
Кеудеде жанды от-шырақтай.
Сеземін сонау жылдарды,
Белгісіз кеткен есімдер.
Сарғайып салған мұңды әнді,
Сұңқарын күтіп жесірлер…
Күресіп көңлі күдікпен,
Сыңарын әлі кәрі анам –
Келеді деген үмітпен
Сарғайып жолға қараған.
Сарғайып жүріп сезеді,
Ағарып шаштың кеткенін.
Сағымдай сол бір кездегі,
Сағыныш жастық көктемін…



Пікірлер (0)

Пікір қалдырыңыз

Уақыт үні миды ұрған жаңғырықтай

  • 0
  • 0

Уақыт үні миды ұрған жаңғырықтай,
Өзге түгіл, өзімді қалдым ұқпай.
Қабылдайтын болыппын салқын, бәрін
Келіп кету, өмірге заңдылықтай...

Толық

Өзім адам, адамсыз күн жоқ маған

  • 0
  • 0

Өзім адам, адамсыз күн жоқ маған,
Өмірімнің жүрегі онсыз соқпаған.
Сырты көктем, ішіне қыс орнатып,
Адам атын жамылғаннан сақтанам.

Толық

Таулар, таулар!

  • 0
  • 0

Таулар, таулар, сырларыңа қанықпын,
Тас төбеңнен көтерілер талып түн,
Бітіміңмен қайсарлықты паш еткен
Сен деп білем көкірегін алыптың.

Толық

Қарап көріңіз

Пікірлер