Өлең, жыр, ақындар

Сұңқарым!

  • 08.11.2021
  • 0
  • 0
  • 751
Сұңқарым!
Танимын ғой шаңқылыңнан,
Таймайсың кеңістікке шарқ ұрудан.
Таймапсың, ту бұлттарды тіліп өтіп,
Басқаша бір қияға талпынудан.
Өзгеден бөлек сенің өз дауысың,
Туғансың тұнық сезім қозғау үшін.
Үніңді таңғажайып естігенде,
Елітіп жанатындай маздар ішім.
Өз демің өз кеудеңе көрік басып,
Кеттің бе өзгеріп шын, толып-тасып?
Өзгеден өзім көрген алабөтен,
Өртендім, ерлігіңе болып ғашық.
Атқылап ойнақ салған жыры қанда,
Қанатты қағысынан сыр ұғам ба?
Тынайын армансыз боп, текке жанбай,
Болмаса тастап жібер, бүріп ал да…
Сұңқарым, танимын ғой дауысыңнан,
Бұлт кескен қанатыңды қағысыңнан.
Дәл сендей табиғаттың тағысына,
Қарауға жердегінің сағы сынған.
Дауысың дауыстардың ең асқағы,
Өмірің жұмбақ маған таластағы.
Сұңқардың моласы жоқ, мекені оның –
Құзар – шың, биік асқар, көк – аспаны!..



Пікірлер (0)

Пікір қалдырыңыз

Сенің даусың

  • 0
  • 0

Жанымды сенен басқа жан ұқпай жүр,
Қабағын қашып кетті танытпай жыр.
Алқынып, ауа жетпей аузымды ашам,
Қайраңға шығып қалған балықтай бір.

Толық

Cәл сүрінсем, сүйей өзі тұрғызып

  • 0
  • 0

Cәл сүрінсем, сүйей өзі тұрғызып,
Өмір деген өтер бастан бір қызық.
Сол өмірге жалау болған жүрегім,
Тірлігімнің моторындай тұр қызып.

Толық

Көкжиекке күн батты байып қарап

  • 0
  • 0

Көкжиекке күн батты байып қарап,
Алтын шашын аспанға шайып тарап.
Гүл көбелек ұша алмай жолда жатыр,
Жапырақтай дәрменсіз жайып қанат...

Толық