Өлең, жыр, ақындар

Батыр мен аты туралы баллада

  • 07.02.2016
  • 0
  • 4
  • 7797
Қас батырға оқ қадалды үш рет:
— Ал, тұлпарым, туған жерге ұшып жет!—
Иесінің үнсіз сөзін ұққандай
Жануары тартты желге кісінеп.
Көздерінде дөңгеленіп от ыршып,
Келе жатыр, келе жатыр ат ұшып.
Зырлайды ол, көз жасы ма батырдың
Жібек жалда жылтылдаған жатыр шық.
Соңғы шабыс... соңғы тыныс сыйындай.
Келеді ағып, келеді ағып құйындай.
Аспан-жердің арасында ағады,
Қарасына көз ілеспес тиындай.
Келеді ол жау оғына ілінбей,
Келеді ол ой-шұқырдан сүрінбей.
Келеді ол аласа боп шөптерден,
Шапқаны да, ұшқаны да білінбей.
Тұяғынан түтін болып шаң ұшып,
Келеді ол қара желмен жарысып.
Батыр қолы қалыпты оның жалына
Мәңгі-бақи айрылмастай жабысып.
Елді айналып жүріп апты екеуі,
Елді айналып тұрып апты екеуі.
Ажыратар қол табылмай екеуін,
Ескерткіш боп тұрып қапты екеуі.



Пікірлер (4)

Акмарал

Жондеп. Олен жазындаршы

мерей

керемет оте жаксы шыккан неге жаман

Аят

Керемет жазган. Оте жаксы олен.

Азат

Мен мектепте оқимын осы мәлімет маған көмектеседі деп ойлаймын

Пікір қалдырыңыз

Сағындым

  • 0
  • 2

Жазық дала жасыл нулы,
Белдеріңді сағындым.
Жәрменкедей жазғытұрғы,
Көлдеріңді сағындым.

Толық

Бурабай көл

  • 0
  • 6

(Өміржанға)
Мінгескен айнала тау арқасына,
Бурабай жатыр орман ортасында.
Бір сүңгіп Бурабайдың толқынына,

Толық

Сыр бойында күн жауын

  • 0
  • 2

Қып-қызыл оттан өрілген,.
Найзағайдың қамшысы.
Меруерттей саулап төгілген,
Жаңбырдың жеңіл тамшысы.

Толық

Қарап көріңіз

Басқа да жазбалар