Өлең, жыр, ақындар

Тыңда, дүние, тыныштық үнін

  • 07.02.2016
  • 0
  • 1
  • 12636
1
Соғыста қорықпағандар —
Соғыста болмағандар,
Жорықта жортпағандар —
Кек оғын жонбағандар:
2
Соғыс жатыр тығылын от уыстап,
Қараңғы түкпірлердің қуысында.
Сырттан кезеп мылтығын отыр ұстап,
Ол сенің ішіңде жүр дұрысында.
Ол — жатқан оқ жауынгер кеудесінде
Ол — жатқан оқ жесірдің зердесінде.
Саудаласып солдаттың жетімімен,
Ол жортып жүр американ етігімен.
Жетемін деп кем кеткен есесіне,
Жүр ол Батыс Берлиннің кешесінде,
Дүниенің сыймай кең шеңберіне
Ол жортып жүр Арабтың шөлдерінде.
3
Болсаң қарыз от кешіп өлгендерге,
Соқ соғысты сілейтіп көрген жерде,
Шеңгелдеген соғыстың от уысы,
Тулап жанып солдаттың отыр іші —
Ол соғыстың ұрланып қапыда ұрған
Алдап соққан алғашқы өкініші,
Тулап жанып солдаттың отыр іші.
4
Мен ағаш қол солдатпын —
Оң қолыммен шүріппе басып оқ аттым,
Мен ағаш аяқ солдатпын —
Аяқ барда жорық жолын шаңдаттым.
Мен көзім жоқ солдатпын —
Көзім барда қас жауларды кездедім.
Мен сөзім жоқ солдатпын —
Тілім барда ұшты оқтай сөздерім.
Мен қолымды кеміп кеттім майданда,
Мен аяқты беріп кеттім майданда,
Мен күнімді беріи кеттім майданда,
Мен тілімді беріп кеттім майданда.
Әй, дүние,
Зағыптарды тыңда с,ен.
Әй, дүние;
Алыптарды тыңда сен.
Әй, дүние,
Олар қолын, аяқтарын бермесе,
Әй, дүние,
Сен түрегеп тұрмас ең.
Олар соғыс әулиесі — көріп кел,
Тыңда сөзін, дүние енді берік бол!
Тыңда, дүние, жаныңда тұр жау деген
Бейғам қалып қаусамасын сау денең.
5
Есер соғыс көпке шашып топырақ,
Оралмасын Освенциумның отын ап,
Әй, адамзат, сөз береміз үкіміңді оқы деп,
Сотта соғысты, Сенсің әділ өкімет
Сенің үнің континенттер дабылы,
Сенің үнін мемлекеттер әмірі,
Халықтардың қаһарына тұншықсын
Қанды лайсан қара соғыс дауылы!



Пікірлер (1)

Аяжан

Керемет, соғыс дертінің дағын дәл айтқан ақын Өшпес естелік

Пікір қалдырыңыз

Ана махаббаты

  • 0
  • 1

Реңі кіріп даланың
Біткелі соғыс неше жыл.
Жас селі шайып жанарын
Жалғызын күтіп шеше жүр.

Толық

Сабыр

  • 0
  • 1

Ұшты оқтар,
Оққа бірақ ұшпадым.
Жанды оттар,
Бірақ жалын құшпадым.

Толық

Қарқаралы

  • 0
  • 0

Қарқаралы, сен маған жолықтың,
Өлеңі болып Қасым Аманжоловтың.
Таң жүзі болып,
Ән құзы болып Мәдидің

Толық

Қарап көріңіз

Басқа да жазбалар