Абдрахман Асылбек

Достар-ай

Бұл бетте «Достар-ай» атты Абдрахман Асылбек жазған достық туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

28.07.2019
0
0
2760

Әнін жазған Дүйсенхан Сыздықов

Достар-ай, думанды бала күнгі,
Бір-бірін бағалаған.
Түріп ап етек-жең, балағыңды,
Гүл бағын аралаған.
Достар-ай, бір ойнап, бірге жүрген,
Бір үйдің баласындай.
Кіршіксіз көктемгі күндей күлген,
Көздің ақ, қарасындай.

Қайырмасы:
Жаны жарқын достар,
Таңы алтын достар,
Шырқап салған әнді бірге.
Қыдырсақ та қайда,
Отырсақ та тойда,
Болайықшы мәңгі бірге.

Достарсыз өмірдің мәні бар ма?
Достықпен жарасамыз,
Достарсыз көңілдің сәні бар ма?
Достықпен тамашамыз.
Достарым, кәнеки, ән салайық,
Жолдайық сәлем ізгі.
Әр таңды шаттана қарсы алайық,
Тыңдасын әлем бізді.

Қайырмасы.

Абдрахман Асылбек достар достар-ай Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар