Мәңгі тірі

Мың тоғыз жүз жиырма төрт
Неткен ауыр жыл еді?
Халық жанын қинап дерт,
Қайғы құшты жүрегі.
Владимир Ильич
Ленин деген кім еді? –
Ақылы асқан, ұлы күш,
Адамзаттың тірегі.
Қуат берген, әл берген
Шаруаның білегі.
Қара жерге нәр берген
Қолындағы күрегі.
Батырлардың биіктен
Желбіреген туы еді.
Ақындардың құйып кеп
Ақтарылған жыры еді.
Ақылдардың арымас
Асқар таудай шыңы еді.
Тосқауылды танымас
Көңілдердің күйі еді.
Балбыраған реңі
Көктемнің пәк гүлі еді.
Жадыратқан жүйені
Жаздың жарқын нұры еді.
Құздың қырандарындай
Қарқыны тым ірі еді.
Қыстың ұлпа қарындай
Аппақ еді тілегі.
Халық үшін жаралған
Адамзаттың ұлы еді.
Шұғыла боп таралған
Бар әлемнің күні еді.
Жығылғанды жұбатып,
Сүрінгенді сүйеді.
Жаңылғанды қуантып,
Жөн сілтеді жүйелі.
Соның сәуле-нұрымен
Түрілді түн түнегі.
Соның сәуле-нұрымен
Заман қайта түледі.
Мың тоғыз жүз жиырма төрт
Неткен ауыр жыл еді?
Халық жанын қинап дерт,
Қайғы құшты жүрегі.
Көзін жұмды күн көсем,
Кетті мәңгі ұйқыға.
Тына қалды күй де әсем
Құйқылжыған бұлқына.
Қаңтарының қаһары
Құлақтарды қариды.
Көңіл біткен қапалы,
Зіл қара тас зар үйді.
Жасқа бөгіп жанарлар,
Омыраулар малынды.
Діріл қағып анарлар,
Талай тыныс тарылды.
Аспан асты түнеріп,
Күннің көзі жабылды.
Тұйыққа әлем тіреліп,
Қайғы бұлтын жамылды.
Бес минутке тартып іш,
Тына қалды тіршілік.
Етті осылай бар тыныс
Ұлылыққа құлшылық.
Бес мииуттың ішінде
Сансыз сана сақайды.
Бес минуттың ішінде
Сансыз көңіл қатайды.
Бес минуттың ішінде
Сансыз көздер сүртілді.
Бес минуттың ішінде
Сансыз жандар сілкінді.
Алыс жолға аттанған
Құз қыраны секілді,
Табу үшін бақты алдан,
Халық қайта бекінді.
Жаулар болса желпініп,
Бұл қазаға қуанды.
Құлақтарын кең түріп,
Жалған сөзге уанды:
«Коммунистік партия
Көсемінен айрылды.
Большевизм шарқ ұра,
Қанатынан қайрылды.
Совет елі Ленинсіз
Өмір сүре алмайды.
Болашағы сенімсіз,
Енді ұзаққа бармайды».
Рас, ел-жұрт егілді,
Қабырғалар сөгілді.
Қайғы басып көңілді,
Көздің жасы төгілді.
Төгілді жас, іркілді,
Іркілді де сүртілді.
Қатайтты да күрт үнді,
Халық қайта сілкінді.
Қаруларын қыса кеп,
Жауларына шүйілді.
Ақыл, жігер, ыза, кек
Бір арнаға құйылды.
Серпіп ауыр зар үнді,
Қуат беріп халқына,
Тастады ұран жалынды
Парасатты партия:
– Коммуниспіз –
Ерекше
Жаратылған жандармыз.
Тәніміз де бөлекше –
Мықты материалданбыз.
Тоқтатпаған тасуын
Жанымыз бен қанымыз.
Ленин армиясының
Өрен сарбаздарымыз.
Зор мәртебе – болу сол
Армияның мүшесі.
Лениндік даңқы зор
Партияның мүшесі...
Жұрттың қамын жеп еді,
Шашып Ленин шапағын.
Таза ұстаңдар деп еді
Партияның атағын.
Жолдас Ленин! Шындық,
Біз Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді,
Шашып Ленин шапағын.
Нық ұстаңдар деп еді
Партияның қатарын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді,
Шашып Ленин шапағын.
Күшейтіңдер деп еді
Пролетарлар Отанын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді,
Шашып Ленин шапағын.
Нығайтыңдар деп еді
Еңбекшілер одағын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді,
Шашып Ленин шапағын.
Ұлғайтыңдар деп еді
Ұлттардың жас Одағын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді.
Шашып Ленин шапағын.
Нығайтыңдар деп еді
Қарулы күш қатарын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Жұрттың қамын жеп еді,
Ленин бізге атап үн.
Маздатыңдар деп еді
Интернационал шапағын.
Жолдас Ленин!
Шындық, Біз
Ант етеміз алдыңда.
Өсиетің мүлтіксіз
Орындалар қалпында!
Осылайша сеніммен
Толтырылған анкеті –
Күн көсемге берілген
Партияның анты еді.
Ленин өзі өлгенмен,
Ленин ісі мәңгі еді.
Одан асқан кемеңгер,
Одан ұлы бар ма еді?
Әр жүрекке құйылған
Ленин ыстық қанда еді.
Одан асқан мейірбан,
Одан ізгі бар ма еді?
Ұлы тұлға ұғымы
Талай бастар ағарар.
Бірақ Ленин ілімі
Мәңгі жасап жаңарар.
Аңыз болған ғұмыры
Өтер талай даналар.
Бірақ, Ленин ілімі
Мәңгі жасап жаңарар.
Әлемді орап ұлылық,
Талай тулар қадалар.
Бірақ, Ленин ілімі
Мәңгі жасап жаңарар.
Шығып жырым-жырымы,
Талқандалар жағалар.
Бірақ, Ленин ілімі
Мәңгі жасап жаңарар.
Талай таулар мүжіліп,
Талай жота жоғалар;
Бірақ, Ленин ілімі
Мәңгі жасап жаңарар.
Қурап талдар түбірі,
Сарқылар сан сағалар.
Бірақ, Ленин ілімі
Мәңгі жасап жаңарар.
Кейде үдеп гүрілі,
Қара жер де қабарар.
Бірақ, Ленин ілімі
Мәңгі жасап жаңарар.
Көлде қалқып қу үні,
Гүлге оранар далалар.
Ленинизм ілімі
Мәңгі жасап жаңарар.
Күш-қуаты, қызуы,
Әлемге үні таралар.
Ленинизм ілімі
Мәңгі жасап жаңарар!

---