Өлең, жыр, ақындар

Талғар

  • 30.07.2019
  • 0
  • 0
  • 1663
Алыстан арман етіп асқарыңды,
Келемін баяу басып тастарыңды.
Бұлт ойнап ерке қыздың тұлымындай,
Бүркейді дөңгеленген аспаныңды.
Аралап қарағайлы шатқалыңды,
Келемін тамашалап бақтарыңды.
Ұқсатам батырға тән дулығаға,
Көк сүйген көз ұшында ақ қарыңды.
Мұнда жоқ жапан дала атырабы,
Шыңдары шабытымды шақырады.
Ышқынып өзендерің құз түбінде,
Жыландай отқа түскен атылады.
Бір қырат бір қыраттан биік жатыр,
Төбесі зеңгір көкке тиіп жатыр.
Қоршаған айнала құз, жайнаған мұз.
Бетіңді құшырлана сүйіп жатыр.
Қалайша бұрын сені аңғармағам?
Жол аштың таңғажайып, Талғар маған.
Келемін көтеріліп бірте-бірте
Шаңқайған шыңдарыңа жан бармаған.



Пікірлер (0)

Пікір қалдырыңыз

Қасиетті жан

  • 0
  • 0

Жарасымды жанымыз,
Студенттік шағымыз.
Күндіз-түні «Қайықта»
Айтатұғын әніміз.

Толық

Немеренің әні

  • 0
  • 0

Атамыз бар – «Дедушка»,
Әжеміз бар – «Бабушка».
Дейді мені: «Внугім»,
Түсінеді мұны кім?

Толық

Жас ақын мен жай адам

  • 0
  • 0

Кездесіп қап жас ақын жай Адамға,
Сұрақ берді табанда:
– Білсем деп ем құнымды,
Айтшы бүкпей шыныңды,

Толық