Абдрахман Асылбек

Түнгі тыныштық

Бұл бетте «Түнгі тыныштық» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.07.2019
0
0
2543

Дала тыныш, ана тыныш,
Бесіктегі бала тыныш,
О, Жаратылыс!
Қала оттары сөнбеген,
Сырттан қауіп төнбеген.
Тарта көрме төтен бір
Тасырыңды көлденең,
О, Жаратылыс!
Тындырып бір дара тың іс,
Төсегінде дана тыныш,
О, Жаратылыс!
Шырағданы сөнбеген,
Бойын шабыт кергеген.
Ақын отыр албырап,
Өлең сөзін зерлеген,
О, Жаратылыс!
Бұғауланып бар атылыс,
Мызғып алсын сана тыныш,
О, Жаратылыс!
Көл қалпында көл деген,
Бел қалпында бел деген,
Ел қалпында ел деген.
Тыныштықты тербеген,
О, Жаратылыс!

Абдрахман Асылбек түн тыныштық түнгі тыныштық Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар