Өлең, жыр, ақындар

Қырғыз, қазаққа

  • Bain
  • 26.04.2015
  • 1
  • 7
  • 20032
Арқар менен құлжадай
Қойындасқан ежелден.
Екі тентек тетелес
Сойылдасқан екі елден.
Түн заманды төңкерген
Топан-заман не күтед?
Қырғыз - таудың тарпаңы,
Қазақ - қырдың құланы.
Екеуіңе топанның
Тартқан мынау ұраны:
Екі тарлан табысып,
Шұрқырасқай деп күтед.
Алатау, Арқа күңіренген
Күні кеше зарыңнан.
Сендерді солай сорлатқан
Албастыдан арылған.
Бүгінгі тұңғыш тойыңа
Той ұласқай деп күтед.
Енді алдым ашық деп,
Ілгері басқай деп күтед.
Елмен қатар елдіктен
Үмітті болғай деп күтед.
Ұйымдарың сол жолда
Ұйытқы болғай деп күтед.
Соққы жеген жетім ел
Балаулы болғай деп күтед.
Сондықтан қызыл жалындай
Жалаулы болғай деп күтед.



Пікірлер (7)

есенгелді біржан

Жақсы өлең екен

Айка Айка

Бұрын қазақ халқының қыздары əйелдері беті аузын түгел тұмшаланып киінгенба?

Гүлім

Қазақ халқының қыздары еш-уақытта бет-аузын орамағн тұмшалап, бұл бізге араб халқынан келген, себебі бизнес, киім әкеліп сатады,дін арқылы, мен қазақ әйелдеріне айтар едім, қазақ халқы қыздарына үкілі тақия,бүрме көйлек кигізген, келіндер орамал тартқан басына,апалар кимешекті киген.Салт-дәстүрімізді сақтайық ағайын, сонда қазақ болып әлемге танылатын боламыз.Тату болайық.

Гүлім

Көшеде қазақ қыздары бастарына бүр- түрлі орап алып,(қазақта жоқ дәстүр) бүр- түрлі көйлек киіп алады мен ондайға қарсымын. Және де,қазақ қыздарының шортик киіп, лямка көйлек киіп жүрулеріне қарсымын. Мен қалада тұрамын.

Ашенова Сезім

Күшті өлең екен

Ашенова Сезім

Маған қатты қызық болды

Ашенова Сезім

Рахмет сіздерге

Пікір қалдырыңыз

Р...ға

  • 1
  • 2

Сенсің досым, жібек мінез Жібегім,
Сені ғана сүйем - куә жүрегім.
Суық жолдан сақтайтын сен - періштем,
Сен болмасаң, азып-тозып өлемін.

Толық

Айға

  • 0
  • 0

Күн батып, қараңғылық қанат жайды,
Аспанда сансыз жұлдыз жарқырайды.
Отырған қараңғы үйдің терезесінен
Көремін мұңды, нұрлы толған Айды.

Толық

Қазағым

  • 2
  • 10

Қазағым, таянды ғой қылта мойын,
Жер, мал кетіп, бос қалды біздің қойын.
Қарашы өзіңе өзің көз жүгіртіп,
Жараспас бұдан былай күлкі-ойын.

Толық

Қарап көріңіз

Басқа да жазбалар