Өлең, жыр, ақындар

Алтынбекке

  • 04.08.2019
  • 0
  • 0
  • 938
Қолдаушым әуел бастан халқым деді,
Халқыммен арта берер даңқым деді.
Келеді сол сезімнің желісімен,
Қазақтың қайталанбас Алтынбегі.
Сусамыр жайлауынан бастау алған,
Мейірін мол қандырып Аспарадан,
Алаңсыз ауылдағы жүрген бала,
Есейе бір-ақ шықты астанадан.
Аялап таланты зор талапкерді,
Алматы салауатты сабақ берді.
Тамаша туындысы тырнақалды –
«Сағындым Алматымды» қанат керді.
Құлашын кеңге жайып бара-бара,
Алтынбек арындады даралана.
Айналды ел тағдыры әндеріне:
«Қара шал», «Қара кемпір», «Қара бала».
Қазақтың кең даласын аралады,
Сырларын саздарымен саралады.
Қастерлеп талантты ұлын халқы-дағы,
Ең биік атағымен бағалады.
Өмірдің алай-түлей тартысында
Салмақтай біле білді талқысында.
Елім деп ерен жасқа жетсе-дағы,
Әлі де жігіттей ол алпысында.
Қалықтап көгершіндей өлеңдері,
Күтеді кезегімен белеңдері.
Қазақтың қайталанбас Алтынбегі –
Тіріліп қайта келген Кенендері.

2.01.2008 ж.



Пікірлер (0)

Пікір қалдырыңыз

Олақ пен салақ

  • 0
  • 0

«Ерте, ерте, ерте екен,
Ешкі жүні бөрте екен»,
Деп бастаса ағалар,
Құлақ түрер балалар.

Толық

Отардағы от

  • 0
  • 0

Батуға да
Таяп қалды күміс күн.
Түн жақындап,
Салқын жапты құм үстін.

Толық

Жаны жұмсақ жайсаң жансың сен мүлдем

  • 0
  • 0

Жаны жұмсақ жайсаң жансың сен мүлдем,
Сүйем дедің, сүюіңе сендім мен.
Азаптадың, мазақтадың сезімді,
Бәріне де басымды иіп, көндім мен.

Толық

Қарап көріңіз