Өлең, жыр, ақындар

От жүрегім – тоғыз жолдың торабы

  • 05.08.2019
  • 0
  • 0
  • 2692
От жүрегім – тоғыз жолдың торабы,
Өткен-кеткен жолаушылар қонады.
Талайына деміккенде дем беріп,
Талайларын жылуымен орады.
Әне бір жас жолын жаңа бастаған,
Сырлары көп, қырлары көп баспаған.
Қиындық пен сәтсіздікті сезген жоқ,
Сондықтан да бақыттырақ басқадан.
Әне бір жан кірбің тартқан қабағын,
Тәбетімен ішпейді де тамағын.
Болмаған соң айқын мақсат, тілегі,
Аңырады білмей қайда барарын.
Әйтсе-дағы салыңқы сол жігітім
Болашақтан үзе алмайды үмітін.
Бір бекетке біразырақ аялдап,
Тағы да алға тарта бермек күні-түн.
Әне бір жан әлде неден қорыққан,
Қорыққан да трлігінен торыққан.
Сондықтан да тасқа тимей табаны,
Басы ауған жаққа қарай жорытқан.
Әне бір жан ән салады көңілді,
Ұғатұғын емес тіпті шеріңді.
Жолға шықса жолы болып тұрған соң,
Арманына жетеріне сенімді.
Жол үстінде жол дабылы қағылған,
Жолаушылар арлы-берлі ағылған.
Қарап жатпай, қимылдаған қыр асын,
Іздегені алдарынан табылған.
От жүрегім – тоғыз жолдың торабы,
Өткен-кеткен жолаушылар қонады.
Талайына деміккенде дем беріп,
Талайларын жылуымен орады.



Пікірлер (0)

Пікір қалдырыңыз

Өтеді күндер

  • 0
  • 0

Қандай нұрлы күлімдеген көздерің,
Қандай үнді сүйдім деген сөздерің.
Сен турғанда жаз гүліндей жайқалып,
Неғылайын өрімталын өзгенің.

Толық

Достар әні

  • 0
  • 0

Өміріміз гүл жайнаған,
Тамылжыған таңымыз.
Бірге жүріп, бірге ойнаған
Достар едік бәріміз.

Толық

Қазақстан – кеше, бүгін, ертең

  • 0
  • 0

Қазақстанның кешегісін көрмедім,
Өйткені, мен онда өмірге келмедім.
Оқыдым ғой тарихтан да аздаған,
Аталардың білем айтып бергенін:

Толық

Қарап көріңіз