Абдрахман Асылбек

Қоздырып қыз-келіншек делебені

Бұл бетте «Қоздырып қыз-келіншек делебені» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.08.2019
0
0
2386

Қоздырып қыз-келіншек делебені,
Желігіп жүре берер деме мені.
Бал даурен өте шығар өң мен түстей,
Алдыртып албырттықты денедегі.
Ақ орда алты қанат керегені
Тозбайды деме, ол да көнереді.
Бойдан әл, салтанатты сән кеткенмен,
Барібір сол үй әнге бөленеді.
Қандырып кеуіп қалған кенерені,
Қуана қарттар сүйер немерені.
Осылай болғаннан соң өмір заңы,
Ауысып алма-кезек теңеледі.
Иірім кеулеп ағып кемерені,
Там-тұмдап тарылтады кең өрені.
Қарағай қураса егер қабақтағы,
Түбінен қайта қаулап көгереді.

Абдрахман Асылбек қыз қоздырып қыз-келіншек делебені Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар