Өлең, жыр, ақындар

ЖенПИ

  • 05.08.2019
  • 0
  • 0
  • 2277
(әзіл)

ЖенПИ – қыздың атағы,
ЖенПИ – қыздың жатағы.
ЖенПИ десе жүректе
Жаңа бір таң атады.
Қашан көрсең жігіттер
Сонда бара жатады.
Махаббаттың азабы,
Сылқым қыздың мазағы
Барған күннен батады.
Еркесі ұзақ күттіріп,
Табанынан тік тұрып,
Қақпа алдында қатады.
ЖенПИ – қыздың мақтаны,
ЖенПИ – жігіт қақпаны.
Бара қалсаң жар іздеп,
Жан рақат тапқалы,
Қайыршыдай телміртіп,
Күзеттірер қақпаны.
Осы болар көргенің,
Өткізгенше ең кемі
Арада алты аптаны.
Сиреп кетсе баруың,
Өзі шығар аруың
Тықырлатып тақтаны.
ЖенПИ – қыздың бөлмесі,
ЖенПИ – қыздың көрмесі.
ЖенПИ десе жігіттің
Желігеді пендесі.
Ә дегеннен аптығып,
Құлап түсе көрмеші.
Сылқым да бар, паң да бар,
Шертіп жүріп таңдап ал,
Ұмтылса да он бесі:
Үлбіреген еріні
Әлдекімнің келіні,
Әлдекімнің жеңгесі...



Пікірлер (0)

Пікір қалдырыңыз

Жаны жарқын жандар

  • 0
  • 0

Өмірде бар ғой, шіркін, жаксы адамдар,
Көңілі – ақ шағала, ақша таңдар.
Жасанға жайнап кетер барлық әлем,
Бір сәтке көніліңді тапса адамдар.

Толық

Ала қойлар

  • 0
  • 0

Патша Арыстан қойларды ала сүймеді,
Оп-оңай-ақ болар еді жоюға,
Заңсыздау ғой, бірақ сөйте қоюға –
Сол үшін бе тәжді киіп жүргені?

Толық

Жұлдыз

  • 0
  • 0

Қараңғыны қақ жарып,
Ақса жұлдыз – ақ жарық,
Көзін тігіп аспанға,
Дейтін әжем тап сонда:

Толық