Өлең, жыр, ақындар

Аққудайын айдын көлде таранған

  • 05.08.2019
  • 0
  • 0
  • 1897
Аққудайын айдын көлде таранған,
Тұла бойың таң-тамаша жаралған.
Көз айырмай кеуде керген анардан,
Жалт-жұлт етіп жалын ұшты жанардан
Өзегімді өртеп кетті бал арман.
Әлде менің шықпай жүрген жырым ба ең?
Әлде менің ұқпай жүрген сырым ба ең?
Әлде менің таппай жүрген үнім бе ең?
Әлде менің тақпай жүрген гүлім бе ең? –
Бәрін, бәрін тапқандаймын бүгін мен.
Жақсылығын, ақшыл нұрын жайып таң,
Жылдарымсың, сырларымсың айыққан.
Орта түскен ойларымды байытқан
Сенің үнің – сұлу сазды байыпты ән,
Құшақ жайып қалықтаған ғайыптан.
Көкірегімді қуаныш боп кернеген,
Сол әуеннің ырғағымен тербелем.
Ақтарылдым ақ жауын боп селдеген,
Күмбірледім күміс күй боп пернеден –
Келіп жеттің дер шағымда шөлдеген.
Бұрын менің шықпай жүрген жырым ба ең?
Бұрын менің ұқпай жүрген сырым ба ең?
Бұрын менің таппай жүрген үнім бе ең?
Бұрын менің тақпай жүрген гүлім бе ең? –
Бәрін, бәрін тапқандаймын бүгін мен.



Пікірлер (0)

Пікір қалдырыңыз

Шаруа мен ит

  • 0
  • 0

Бай адамға сараң бір
Күзетем деп қораңды,
Бір Ит келіп жалданды,
Пісірмекші әм нанды,

Толық

Бар қызығым өзіңмен

  • 0
  • 2

Бар қуаныш, бар қызығым өзіңмен.
Таса қылғым келмейді еш көзімнен.
От жанарың жүрегімді жаралап,
Тұнық түнім болды ма әсте көз ілген?

Толық

Жеңіс жалауы

  • 0
  • 4

Жеңіс тіпті оңайлықпен жеткен жоқ,
Дұшпан бізге аяушылық еткен жоқ.
Соғыс бітіп, талай жылдар өтсе де,
Қияметі бастан әлі кеткен жоқ.

Толық

Қарап көріңіз