Өлең, жыр, ақындар

Ал, сенейін, сенейін

  • Bain
  • 27.04.2015
  • 1
  • 1
  • 20171
(М. Ю. Лермонтовтан)

Ал, сенейін, сенейін,
Айтқаныңа көнейін.
Шалма ораған сопының
Ішін арам демейін.
Ақ көңілді әділ жан
Табылар деп көрейін.
Я сүйсе, я күлсе,
Елжірейін, төнейін.

Жаралы көңіл жазылар,
Дүниеде рахат бар шығар.
Жақсы адам деген құры сөз
Емес шығар, табылар.
Өткен өмір, көрген түс
Не қылғанда бір болар.

Деп нанып ем "маған нан",
Не таптым мен нанғаннан?
Жүрегімді қан қылды,
Өткен өмір, өлген жан.
Ақыл іздеп, ізерлеп,
Бәрін сынап сандалған.
Бірін таппай солардың,
Енді ішіме ой салған.

Тұла бойды улатты,
Бәрі алдағыш сұм жалған.
Басыңа тиді, байқадың,
Бәрінен басты шайқадың.
Тағы бар ма айтарың?
Нанғыш болсаң, енді нан!



Пікірлер (1)

Берікқали Ақерке

керемет

Пікір қалдырыңыз

Сағаттың шықылдағы емес ермек

  • 1
  • 6

Сағаттың шықылдағы емес ермек,
Һәмишә өмір өтпек ол білдірмек.
Бір минут бір кісінің өміріне ұқсас,
Өтті, өлді, тағдыр жоқ қайта келмек.

Толық

Бақа мен өгіз

  • 1
  • 0

Қарасаң, тым-ақ көп
Көре алмас іші тар.
Несі артық, бізден деп,
Салыспақ жұрт та бар.

Толық

Бәкизатқа

  • 0
  • 0

Бәкизатым, шұбарсың,
Оқуға, өзің құмарсың.
Жазайын мен бәйітті,
Танитұғын шығарсың!

Толық

Қарап көріңіз