Абдрахман Асылбек

Көңіл айту

Бұл бетте «Көңіл айту» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.08.2019
0
0
6224

Бірге туған болғанмен,
Бірге жүрмек жоқ деген.
Адам қанша толғанмен,
Бар арманға жетпеген.
Өлсе өлді келінің,
Ол – Тәңірдің қалауы.
Өшпесін тек төрінің
Жағып кеткен алауы.
Жатқан жері жайлы боп,
Орын тисін жұмақтан.
Өссін саңлақ-сайлы боп,
Ұл, қыздары ұнатқан.
Қырқын күтіп отырдың,
Қалмасаң тек асына.
Өзіңнің де отыңның
Оралсаңшы басына.
Бұл тірлігің, әрине,
Елді риза етеді.
Мені-дағы, Арина
Есіңе алсаң не етеді?
Жан жоқ темір төзімді,
Бәрі өмірден өтеді.
Көрер болсам өзіңді,
Төбем көкке жетеді.

Абдрахман Асылбек өлім көңіл айту Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар