Абай Құнанбайұлы

Асау той, тентек жиын, опыр-топыр

Бұл бетте «Асау той, тентек жиын, опыр-топыр» атты Абай Құнанбайұлы жазған мерекеге арналған өлең берілген. Өлең мәтіні, текст, өлең жолдары және толық нұсқасын осы жерден оқуға болады.

Bain
27.04.2015
1
0
14940

(М. Ю. Лермонтовтан)

Асау той, тентек жиын, опыр-топыр,
Ішінде түсі суық бір жан отыр.
Алысты тұманданған ол ойлайды,
Өзге жұрт ойды нетсін, өңкей соқыр.

Ішкен-жетен, таласқан, ойнап-күлген,
Кезек жоқ, келісім жоқ, сөйлей берген.
Дауырыққан, күліскен, өлеңдеткен
Қайғысызға қайғырып, жиіркенген.

Көп отырды, қозғалды сөйлегелі,
Құлағымда бүгін тұр соның үні:
Сендерге не жүмыс бар тағдырменен,
Ойнай бер де, күле бер күні-түні.

Ойынға ойсыз надан бәрі құмар,
Дүние істеп өз жүмысын жатқан шығар.
Елемесең, елетер, бір танытар,
Қайда айдаса, барасың,— кім тартынар?

Абай Құнанбайұлы өлең аударма Лермонтов той жиын асау той тентек жиын опыр-топыр Абай Құнанбайұлы өлеңдері опы

Пікірлер (0)

Пікір қалдырыңыз

Жиі қойылатын сұрақтар