Абдрахман Асылбек

Мен сені қалай көрдім

Бұл бетте «Мен сені қалай көрдім» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

06.08.2019
0
0
2030

Мен сені қалай көрдім,
Қасыңа жанай бердім.
Жалт еткен жанарыңмен
Жаныма арай бердің.
Қыздарды талай көрдім,
Саралап санай бердім.
Ерекше бір өзіңе
Қадалып қарай бердім.
Білмеймін, қалай көрдім?
Қасыма қалай келдің?
Мерейлі нұр жүзіңе
Келеді қарай бергім.
Мен сені қалай көрдім –
Бағыма балай бердім.
Сүйкімді сымбатыңа
Келеді қарай бергім.
Мен сені қалай көрдім?
Еркіңе қалай көндім?
Келісті келбетіңе
Келеді қарай бергім.
Мен сені қалай көрдім –
Салтанат сарайға ендім.
Перизат періштеме
Өзіңді балай бердім.

Абдрахман Асылбек мен сені қалай көрдім Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар