Абдрахман Асылбек

Ақын – елдің еркесі

Бұл бетте «Ақын – елдің еркесі» атты Абдрахман Асылбек жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

06.08.2019
0
0
1702

Ақын – елдің еркесі,
Ақын – төлдің серкесі.
Қайда барса, ақынды
Қарсы алады өлкесі.
Ақындарды кемсітіп,
Бейшара жан көрмеші.
Қанша мықты болсаң да,
Салқын сәлем бермеші.
Ақындардың көңілі –
Домбыраның пернесі.
Баса білсең дәл тауып,
Айқындалар зердесі.
Кім бар екен өмірде
Ақындардың теңдесі?
Керек емес ақынға
Дүние-мүлік, теңгесі.
Өле қалсаң, бәрі де
Бос қалады ертесі.
Ақындардың көңілі –
Домбыраның пернесі.
Баса білсең дәл тауып,
Айтар ойы көл-көсір.
Ардақтаған ақынын
Алға тартқан ел көші.
Ақындардың қашанда
Кең көсілген көрпесі.
Ақындарды өлсе де,
Аялаған жер төсі.
Бәрін айт та, бірін айт.
Ақын – Алла пендесі.

Абдрахман Асылбек ақын ақын – елдің еркесі Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар