Өлең, жыр, ақындар

Шегіртке мен құмырсқа

  • Bain
  • 27.04.2015
  • 2
  • 16
  • 143152
(И. А. Крыловтан)

Шырылдауық шегіртке
Ыршып жүріп ән салған.
Көгалды қуып гөлайттап,
Қызықпен жүріп жазды алған.

Жаздыгүнгі жапырақтың
Бірінде тамақ, бірінде үй,
Жапырақ кетті, жаз кетті,
Күз болған соң кетті күй.

Жылы жаз жоқ, тамақ жоқ,
Өкінгеннен не пайда?
Суыққа тоңған, қарны ашқан
Ойын қайда, ән қайда?

Оныменен тұрмады,
Қар көрінді, қыс болды.
Сауықшыл сорлы бүкшиді,
Тым-ақ қиын іс болды.

Секіру қайда, сүрініп,
Қабағын қайғы жабады.
Саламда жатып дән жиған
Құмырсқаны іздеп табады.

Селкілдеп келіп жығылды,
Аяғына бас ұра:
= Қарағым, жылыт, тамақ бер,
Жаз шыққанша асыра!

Мұның, жаным, сөз емес,
Жаз өтерін білмеп пе ең?
Жаның үшін еш шаруа
Ала жаздай қылмап па ең?

Мен өзіңдей шаруашыл,
Жұмсақ илеу үйлі ме?
Көгалды қуып, ән салып,
Өлеңнен қолым тиді ме?

Қайтсін, қолы тимепті,
Өлеңші, әнші есіл ер!
Ала жаздай ән салсаң,
Селкілде де, билей бер!



Пікірлер (16)

мадина

маған Абай Құнанбайұлының аудармалары ұнайды рахмет

Гулдана

Абай өлеңдері жаттауға оңай. Рахмет

НАЗЕРКЕ MISS

Менің бұл өлеңде түсінгенім балаларды еңбекке,жақсы жолға түсуге, жалқаулықты бір жолада ұмытсын деген мағынада екен

Сандуғаш

Бұл өлеңдер керемет екен

Ернар Айдар

Мен де шегірткемін

Оля

Абай Құнанбайұлының Шегіртке мен құмырсқа өлеңі мағыналы екен

Ләйла

Күшті өлең как раз жаттауға керек еді

Ер

Қыйын

Супер

☠ ✴️ ⭐️ ✳️ Супер

Қасым Мадина

Маған Абай Құнанбайұлының өлең мысалдары ұнайды❤️

Қасым Мадина

Маған Абай Құнанбайұлының шығармалары,өлеңдері,мысалдары қатты ұнайды.

Балалык шагымызда осы оленьи мектепте айтушы едик?

Амир

Амир

Балалык шагымнын естелиги. Керемет олен ????????

ҮСЕН АЙДА

маған АБАЙ ҚҰНАҢБАЙұлының өлендерімқатты ұнайды өте керемет ұнайт

Коко__жанбо

Маған ұнамайды

Еркеназ

Өте күшті

Пікір қалдырыңыз

Вадим

  • 1
  • 1

Батар күнге шымылдық – көк бұлт кең,
Толқынды қызыл торғын өртпенен тең.
Өткен дәурен секілді нұры жайнап
Арттағы мұнараға береді рең.

Толық

Мен көрдім ұзын қайың құлағанын

  • 0
  • 6

Мен көрдім ұзын қайың құлағанын,
Бас ұрып қара жерге сұлағанын.
Жапырағы сарғайып, өлімсіреп,
Байғұстың кім тыңдайды жылағанын?

Толық

Ғашықтың тілі - тілсіз тіл

  • 1
  • 7

Ғашықтың тілі - тілсіз тіл,
Көзбен көр де ішпен біл.
Сүйісер жастар қате етпес,
Мейлің илан, мейлің күл.

Толық

Қарап көріңіз