Өлең, жыр, ақындар

Қонақ күту

  • 10.08.2019
  • 0
  • 0
  • 1196
Кештете қонақ келді,
Топырлап мол-ақ келді.
Үй іші сасып қалды,
Бар-жоғын ашып салды.
Біреуі ойға шапты,
Біреуі қойға шапты...
Киімді шешіп тастап,
Аяқты көсіп тастап,
Қонақтар жата берді,
Ұйқыға бата берді...
Бір кезде шай қайнады,
Әрине, жай қайнады.
Қой сою анығында
Бітті тун жарымында.
Қазанға түскен етті
Пісіру үшке жетті.
Қонақтар қалжырады,
Ұйқымен маужырады.
Бозарып таң атқанда,
Тартты кеп табақты алға.
Қонақтар тұрған болды,
Тәтті ұйқы құрбан болды.
Қыбырлап еріндері,
Сыбаға желінбеді.
Тартпай еш тәбеттері,
Шықты тек әлектері...
Кеңпейіл қазағым-ай,
Шашылған азабың-ай!
Күтпесең қайтер еді
Қонақты таза бұлай?



Пікірлер (0)

Пікір қалдырыңыз

Маса мен малшы

  • 0
  • 0

Ұйқтап жатты Малшы сеніп төбетке;
Бұта ішінен жылан шығып кенеттен,
Соған қарай бет бұрды;
Өлер еді Малшыға ол төксе уды.

Толық

Маймұрын

  • 0
  • 0

Әй, Серіктің түрін-ай,
Қолдарының кірін-ай.
Киімді оңдап кимеген,
Бір түйме жоқ түймеден.

Толық

Хабарсыз кеткеніме

  • 0
  • 0

Хабарсыз кеткеніме,
Жүрмісің ұмытты деп.
Шығарсың өкпелі де,
Көңліңе бұлт түнеп.

Толық

Қарап көріңіз