Өлең, жыр, ақындар

Меңгеруші қоян

  • 10.08.2019
  • 0
  • 0
  • 1963
Таныстардың сыйлығымен,
Арыстанның бұйрығымен
Қоянға бақ қона қалды,
Меңгеруші бола қалды.
Шағын ғана бөлімшеде
Барлық билік берілсе де,
Қоян бірақ қорқақ еді,
Шаруаға шорқақ еді.
Ешкім оны тыңдамады,
Соншалықты қыңбағаны:
Ит өзінше жүріп кетті,
Иттік жасап, үріп кетті.
Түлкі өзінше жүріп кетті,
Қулық жасап, күліп кетті.
Аю баққа кіріп кетті,
Омартаны іліп кетті.
Бөрі отарға кіріп кетті,
Біраз койды қырып кетті.
Бәрі осылай жүріп жатты,
Қоян үнсіз бұғып жатты.
* * *
Ұқ мысалдың мәнісін:
Болса да мың танысың,
Қолдан келмес билікке
Қоян болып килікпе.



Пікірлер (0)

Пікір қалдырыңыз

Май мен баламса

  • 0
  • 0

Мақтанды бірде Баламса:
«Тәттімін, – деп, – Майменен».
Май тұрып сонда адамша
Жауап қатты жайменен:

Толық

Ғашықпын, ару дүние

  • 0
  • 0

Ғашықпын мен, дүние, сенесің бе?
Сенесің бе, еркіндік бересің бе?
Тербетіліп келемін, мен жетіліп,
Махаббаттың мәңгілік кемесінде.

Толық

Тышқандардың тілегі

  • 0
  • 0

Біз Тышқанбыз, Тышқанбыз,
Дән тереміз тыстан біз.
Жол бойынан ін қазып,
Жинап жүрміз күнде азық.

Толық

Қарап көріңіз