Өлең, жыр, ақындар

Еріккен ешкі

  • 10.08.2019
  • 0
  • 0
  • 1808
Ешкі бикеш шырайлы
Текесіне мұңайды:
– Соңғы кезде, сүйгенім,
Бүлкілдеп жүр бүйрегім.
Ішсем де астың тәуірін,
Ісіп кеткен бауырым,
Қабынады өкпем де,
Ауру деген кеп менде.
Басқалардан қалам ба?
Емделемін барам да, –
Деп Ешкітай төндіріп,
Текешігін көндіріп,
Кетті аттанып жыраққа.
Курортта ол, бірақ та,
Қайтсін ем-дом, күтімді,
Барған күннеп құтырды:
Нән Серкемен танысты,
Асыр салды, алысты.
Секілді бір кекілік,
Тастан-тасқа секіріп,
Күндіз-түні ойнады,
Ойынға бір тоймады.
Бірі: «Ерекше еркем!» – деп,
Жаны қалмай елпеңдеп.
Бірі: «Сері Серкем!» – деп,
Жүріп жатты селтеңдеп.
Текесінің хатына
Жауап жазды қатыра:
«Айналайын ақылдым,
Жақсы емделіп жатырмын.
Кәдімгідей қоң алып,
Қалдым біраз оңалып.
Қайтар жолды ұмытпа,
Ақша жағын құнытта.
Көп кешікпей оралам,
Көріскенше бол аман».
Тап осындай Ешкілер
Опынғанын кеш білер.



Пікірлер (0)

Пікір қалдырыңыз

Жазғы демалыста

  • 0
  • 0

Жаз келеді жайып құшақ
Каникулға аттандық.
Қандай қызық бақытты шақ
Талай істер атқардық.

Толық

Бар екен ғой...

  • 0
  • 0

Мына дүние деп жүрсем тар екен ғой,
Шетсіз-шексіз кең әлем шар екен ғой.
Ата даңқын аяққа таптатпайтын
Бар екен ғой жігіттер, бар екен ғой.

Толық

Өлшем

  • 0
  • 0

Бәрі өлшеулі,
Деміңе дейін өлшеулі,
Тағдырдың салдар-себіне дейін өлшеулі.
Жаялық, күндақ жеріңе дейін өлшеулі,

Толық

Қарап көріңіз