Өлең, жыр, ақындар

Әншілер

  • Bain
  • 27.04.2015
  • 1
  • 2
  • 18499
(И. А. Крыловтан)

Көршіні көрші шақырды,
Болды да сыйлап ас бермек.
Қулығын ішке жасырды:
Баланың әнін есіттірмек.

Балалар шулап, бақырды,
Ынтасы — даусын білдірмек.
Қонақтың күйін қашырды,
Басты ауыртты көп дүрмек.

Алды-алдына кетеді,
Қосылмайды әндері.
Құлағынан өтеді
Құр айғай салған сәндері.

= Япырмай, көрші-ай, не қылды?
Бас ауырды, қаңғырды.
Құлағын басып жалынды,
Қойғыза көр деп құрғырды.

Тым-ақ даусы күшті екен,
Бекер де емес сенікі.
Сүйтсе де арақ ішпеген
Есті ұлдар ғой менікі.

Есі шықпай мұнан да ішкен артық,
Қисыны жоқ қышқырған не еткен тантық!



Пікірлер (2)

Назым Тулепберген

Маған Абай Құнанбайұлы өлеңдері қатты ұнайды. Əншілер өлеңі өте керемет

Аружан

Өте керемет

Пікір қалдырыңыз

Әбдірахманның әйелі Мағышқа Абайдың айтқан жұбатуы

  • 0
  • 0

Жылағанды тоқтатып,
Ынсап қылсақ жарайды.
Қоймасаң, қайғы ауыр боп,
Тұл бойыңа тарайды.

Толық

Қартайдық, қайрат қайтты, ұлғайды арман

  • 1
  • 4

Қартайдық, қайрат қайтты, ұлғайды арман,
Шошимын кейінгі жас балалардан.
Терін сатпай, телміріп, көзін сатып,
Теп-тегіс жұрттың бәрі болды аларман.

Толық

Асау той, тентек жиын, опыр-топыр

  • 1
  • 0

Асау той, тентек жиын, опыр-топыр,
Ішінде түсі суық бір жан отыр.
Алысты тұманданған ол ойлайды,
Өзге жұрт ойды нетсін, өңкей соқыр.

Толық

Қарап көріңіз