Ерке қыз

Қылығың керемет сиқырлы,
Пейіштен келдің бе?
Хор қызы секілді сүйкімді,
Сұлусың сен мүлде.
Төрт бөлдім тып-тыныш ұйқымды,
Өзіңді көрдім де.
Сыйла да сыңғырлы күлкіңді,
Мәңгілік бол бірге.
Қайырмасы:
Көріндің айдай боп көзіме,
Ерке қыз, ерке қыз.
Алмадық кезінде кезіге
Қалайша, ерте біз?
Әдемі ән арнап өзіңе,
Ғажап күй шертеміз
Тыңдашы жан сырын сезіне,
Ерке қыз, ерке қыз.
Көктемнің құлпырған гүлісің,
Алқызыл алаулы.
Танытар паңдана тұрысың
Тәкаббар қарауды.
Өзің деп өртеген тынысын
Жүрегім жалаулы.
Жаралған жан едің кім үшін,
Ерке қыз қалаулы?
Қайырмасы.

---