Өлең, жыр, ақындар

Алланың құлы – пендемін

  • 24.08.2019
  • 0
  • 0
  • 1751
О, Алла, Алла!
Мына өмірде дарқан
Еркін өмір сүруім
Сенің арқаң.
Кейде шалқып кетсем де,
Кейде артық кетсем де,
Бәрінің тізгіні тек сенде,
Өз еркің не етсең де...
* * *
Сен маған бәрін бердің,
Ақындық дарын бердің.
Тура айтатын жалын бердің,
Көкірек көзі – әнін бердің.
Өмірді түсінудің мәнін бердің.
Сұлулықты түсінудің сәнін бердің
Әнді ұғынудың әрін бердің,
Қысқасы: өмірдегі жақсылықты
Түсінудің бәрін бердің.
Бірақ, мен қабылдай алдым ба?
Әлде қабылдай алмай қалдым ба?
* * *
Адамның ұлы,
Алланың құлы пендемін,
Ақылға кендемін.
Ойым өрде болғанымен,
Өзім жердемін.
Бар болса еліме бергенім,
Сыйлымын, төрдемін.
Дүние болса сенгенім,
Иесіз қалар шашылып,
Өмірлік жиған-тергенім.
Онда менің өлгенім,
Өзімді-өзім көмгенім.



Пікірлер (0)

Пікір қалдырыңыз

Көкірегіме керемет төгіп бір ән

  • 0
  • 0

Көкірегіме керемет төгіп бір ән,
Жүрегіммен жүзіңді көріп тұрам.
Ал, өзіңді көргенде, бойым балқып,
Қорғасындай оттағы еріп тұрам.

Толық

Келесі күні

  • 0
  • 0

Қияметпен барабар ішкен күнім,
Ішкен күнім – ит тірлік,
Түскен құным.
Отырамын мең-зең боп,

Толық

Шана

  • 0
  • 0

Тысқа шығып Дүрімбек,
Қайта кірді күлімдеп:
«Қар жауып тұр, алақай!
Сырғанаймыз бүгін», – деп.

Толық

Қарап көріңіз