Өлең, жыр, ақындар

Кешкі мектеп

  • 25.08.2019
  • 0
  • 0
  • 1350
Жалқаубай мен Аңқаубай,
Маңғазданған Марқаубай,
Пысықсынған Әлі де, –
Жиналады бәрі де.
Ауылда кешкі мектеп
Бар дегенді естіп ек көп.
«Құлақ естігенді көз көреді»,
Көз керсе, пікірің өзгереді.
Мектептің құрамы
Мынадан тұрады:
Екі завуч, бір директор,
Отыз мұғалім.
Тоғыз оқушы тізімде,
Үшеу-ақ іс жүзінде.
Мұғалімдер келеді, кетеді,
Кетпегенде не етеді?
Үш оқушының басы бірікпейді,
Одан ешкім үрікпейді.
Айында бір көрінсе болып жатыр,
Журналға баға қонып жатыр.
Оны кім біліп жатыр,
Жалақы жүріп жатыр...
Жазғы сынның кезінде
Күн күлімдеп көзінде,
Тізімдегі Тентек те,
Бұқпабай мен Белтек те,
Айтып, айтпай не керек,
«Дайындалып керемет»,
Бас ауыртып бір-ақ таң,
Өтіп жатыр сынақтан.
Өмірден солай шеттеген
Мектептер бар ептеген.



Пікірлер (0)

Пікір қалдырыңыз

Патша сұраған бақалар

  • 0
  • 0

Бақалар тым зерікті,
Өз бетімен ерікті
Жүргендерін қолайыздау көріпті.
Еркін өмір өмір ме?

Толық

Әншілер

  • 0
  • 0

Көрші сыйлап көршісін,
Қонақ қылып, ас берді,
Бірақ, ойы басқа еді:
Тыңдатқысы келген біраз әншісін.

Толық

Егінші мен ақылгөй

  • 0
  • 0

Бір Егінші көкткем жұмсап мол күшін,
Жерін жыртып, ешбір тыным көрмеді:
Ыждаһатты ер болатын ол кісі,
Әрі мықты, оңды еді;

Толық

Қарап көріңіз