Өлең, жыр, ақындар

Арқа аруы мен ағасының әзілі

  • 25.08.2019
  • 0
  • 0
  • 1737
– Айналайын қалқам-ай,
Жүдеңкіреп қалыпсың.
Жаннат жерде Арқадай
Жағдай жоқ па анық шын?
– Ағатай-ау, қалада
Бойды күшен қыз едім.
Келдім-дағы далаға,
Еңбекке бет түзедім.
– Еңбекке жең түрінген
Қыз қылығың көп бөтен.
Жолыңды орап жүгірген
Жігіттері жоқ па екен?
– Болса болар, бірақта,
Білектісін көрмедім.
Орағымды құрақта
Оңды-солды сермедім.
– Хатшы отырып кеңседе,
Бұйрық берсе болмас па?
Бар ісіңді еңсере,
Жігіт шөпті ормас па?
– Жүретұғын жетексіз,
Жігіт қайдан табылсын.
Ебін білмей есепсіз,
Шөп те қайдан шабылсын.
– Ұқтым, қалқам, халіңді,
Аямайсың жаныңды,
Аямайсың арынды
Жігіттерді жалынды.



Пікірлер (0)

Пікір қалдырыңыз

Екі қыз

  • 0
  • 0

Бір досының үйінде
Екі қыз бар көрікті.
Тыныш жатқан күйінде
Қалдырмайды ерікті.

Толық

Қияс

  • 0
  • 0

Қияс тілді алмайды,
Қияс кімді алдайды?
Қолын әсте жумайды,
Ақыл айтсаң, тулайды.

Толық

Жаңа ай

  • 0
  • 0

Мамырдың түнінде
Барғанбыз баққа бір.
Нұр ойнап түріңде,
Құлпырдың шақта бұл.

Толық

Қарап көріңіз