Абдрахман Асылбек

Айналайын ағалар

Бұл бетте «Айналайын ағалар» атты Абдрахман Асылбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

28.08.2019
0
0
2320

Ерке киік асқар тауды паналар,
Ерке тоты қалауынша таранар.
Паналаймын, еркелеймін мен солай,
Өздеріңе сенгендіктен, ағалар.
(А. БАҚТЫГЕРЕЕВА. Жайық қызы. «Жазушы», 1980 ж. 58-бет)

Көктемде ала қанат аралар
Алуан түрлі гүлдер бағын аралар.
Олар жиған балауыздың бағасын
Ағасы бар адам ғана бағалар.
Қайғы-мұңсыз қара сирақ балалар
Балық аулап, қара суды жағалар.
Олар солай қаңғыр ма еді күн ұзақ,
Болса егер арқа сүйер ағалар?
Ерке киік асқар тауды паналар,
Ерке тоты қалауынша таранар.
Ер жігіттер жаратылып ерекше,
Күнін көрер болмаса да ағалар.
Қыз жүрегі аса нәзік жаралар,
Өз бетінше өркендер қай шама бар?
Алдарыңда қарыздармын қашан да,
Айналайын, асқар таудай ағалар.

Абдрахман Асылбек аға айналайын ағалар Абдрахман Асылбек өлеңдері

Пікірлер (0)

Пікір қалдырыңыз

Жиі қойылатын сұрақтар