Өлең, жыр, ақындар

Келіннің атасын жоқтауы

  • 29.08.2019
  • 0
  • 0
  • 6720
Аспаннан ұшқан самұрық,
Жұлдыздай кетті-ау ағылып.
Айрылман деген атам-ай,
Айрылып қалдым не қылып?!
Мінгенде атым бурыл тай,
Алтын қазық сурылды-ай.
Атекем сені ойласам,
Амалым менің қурылды-ай.
Айналайын атам-ай!
Ықылас берген батаң-ай.
Осынша сізді қинайтын,
Жоқ еді ғой қатаң-ай.
Атекем сізді силағам,
Шын жүректен қимағам.
Арқан соғып, арық қазғанда,
Шыбын жанды қинаған.
Асқар таудай биігім,
Жаралы болған киігім.
Жазықсыздан мерт болдың,
Түгемес іштен күйігім.
Көлде жүзген ақ балық,
Торға түсті-ау алданып.
Біз жыламай кім жылар,
Артыңда қалдық зарланып.
Дауысым шықты-ау талығып,
Бізді кетті налы қып.
Жүректің шерін ағытам,
Атаекем сізді сағынып.



Пікірлер (0)

Пікір қалдырыңыз

Жантелім

  • 0
  • 0

Жүгірген қойдан қойға сары серке,
Қайтейін қылығыңды балам ерке.
Кеш болса серуенге шығасың сен,
Өмірімнің айдарындай біткен жеке.

Толық

Жалған (3-нұсқа)

  • 0
  • 0

Қарағым, айналайын, айнадағы,
Жақындық екеумізге пайда-дағы.
Тәуекел бір кездерде кездесерміз,
Жүре бер уағыдаңды байла-дағы.

Толық

Баланы жоқтау

  • 0
  • 0

Айрылдым қайран құлыным,
Қолқа жүрек жұлыным.
Кеше ғана жүр едің,
Секеңдеген тиыным.

Толық

Қарап көріңіз