Баланы жоқтау

Айрылдым қайран құлыным,
Қолқа жүрек жұлыным.
Кеше ғана жүр едің,
Секеңдеген тиыным.
Зар болды ғой құлыным,
Жылаумен өтер бұл күнім.
Жас кеттің ғой, қайтейін,
Бақшадағы бұлбұлым.
Арманда кеткен жас өлім,
Ерімес қара тас өлім.
Жаралы менен жалғызға
Қарамаған осы өлім.
Әуеден ұшқан ақ ұлар,
Балақта жүні қағылар.
Кеше де жүрген құлыным,
Іздесем қайдан табылар?

---