Міржақып – жұртымыздың қалаулысы!

(Міржақыптың шығармалары жайлы)

Оятып бар қазағын ұйқысынан,
«Оян, қазақ!» деп ұрандап, өлең жазған.
Болсын деп ел жандары көрегенді,
Бұл өлеңді қазағыма бағыттаған.

Міржақыптың тым ғажайып бар романы,
«Бақытсыз Жамал» деп сол роман аталады.
Көркем проза атанған бұл шығармада
Қыз тағдыры жайлы сөз қозғалады.

«Шағым» деген өлеңі де Міржақыптың,
Сипаттайды өз халқының енжарлығын.
Өлеңде байқап және сезе аламыз,
Жаны ашып, ақынның мұңайғанын.

Көптеген туындысы елге арналған,
Елінің тағдырына арқау болған.
Би – парашыл, қарт – қарау болмасын деп,
Қаламымен кей шындықтың бетін ашқан.

Айта берсем, көп оның туындысы,
Өлең, роман, пьесасы мен мақаласы.
Кезінде өзен болып тасып аққан,
Міржақып – жұртымыздың қалаулысы!

---