Өлеңдер - Bilim

DilyaraBalgabaeva

Сіздей адамға иіп тұрып басымды ием,
Елін оятып, елі үшін жанын берген.
Сол кішкентай баладан ұлы адамға,
Айналарын Міржақыптың кімдер білген?

Ол бүркіт, еркіндікті арман қылған,
Қыран құстай биік жерде қалықтаған.
Қасқыр деп айтсам дағы артық болмас,
Қиындықта үйірін тастамаған.

Оятып бар қазағын ұйқысынан,
«Оян, қазақ!» деп ұрандап, өлең жазған.
Болсын деп ел жандары көрегенді,
Бұл өлеңді қазағыма бағыттаған.

«Ел баласы» деп оны атап кеткен,
Перзенті ғой елімнің ол ертеден.
Алыстан «Алаш!» десе аттанатын,
Алаш үшін жанын да құрбан еткен.