Құтқарушы қызметі биікте – Махаббат Самрат

Құтқарушы деген мамандық бар, білсеңіз,
Айтайын сіздерге, қонымды ой түйсеңіз.
Оларды санасыздарға теңейді, түсінбеген соң,
Құтқарушылардың ауыр жолын.... Сенбеңіз!

Бұл салада болғаныма көп емес, дегенмен,
Пендені көргем жоқ, жүрген сергелдең.
Сын сағатта табылатын қасыңыздан,
Кім десеңіз? Құтқарушылар дер едім мен.

Жоқ! Таланттар да бізде аз еместұғын
Дарындарды тіпті санауға келмес бүгін.
Құтқарушының нақты кім екенін,
Айтайын, жетсе сөзім мен ақындық тілім.

Құтқарушы - ол ең алдымен! Бұған қоса,
Отбасының тірегі - әке, аға, іні, мүмкін ұста.
Бағбан, құрылысшы, суретші, бәлкім ақын,
Ұмытылады бәрі де, отпен жарысса.

Құс емес, бірақ жылдам табылады әркез,
Жаратқан құс қанатымен дарытқандай,
Лаулаған қызыл оттың өзімен күрес,
Құтқарушының ерлігін мойындатқандай.

Құтқарушы үшін жүрек керек бірінші,
Мінез бен төзімділік керек екінші.
Өрт соққысына тосқауыл жасау үшін
Ұжымдық бірлік керек, ол үшінші.

Отты сөндірумен шектелмейді жұмысы,
Бықсыған отқа кірер, тарылса да тынысы.
Өмір мен өлім арасында арпалысқан-
Адамдарды құтқару себебі негізгі ісі.

Әрине, әлемде түрлі мамандық бар,
Және олардың әрбірі өзінше қажет.
Алайда,мына фәниде табылар,
Отпен арпалысатын жалғыз қызмет.

Отқа түсер, суда жүзер шырғалаң,
Еңбегі ұмытылмас, қалар жүректе.
Қазақ елі құтқарушы сенің бір балаң,
Сондықтан болу керек құрметте.