Жақсының жақсылығын айт нұры тасысын – Ержан Қабышұлы Қабанбай

Жақсының жақсылығын айт нұры тасысын.

Демесін қазағымның сағы сынды,
Айтайын жігіттерге алғысымды,
Жер жерден жұдырықтай жомарт жандар,
Жұмылып қамқорлық пен қол ұсынды.

Ауылдар тасқын судан зардап шеккен,
Үйлерін шайып кетті жермен-жексен.
Бауырлар аман болсын, қолы ашық,
Амалдап құтыламыз бар бейнеттен.

Білмеймін қателескен сөзі кімнің?
Өшті деп батырлықтың соңғы үнін.
Су кешіп жүк жеткізіп жүргендерді,
Батыры деп айтамын осы күннің.

Көргенде шала ісін бір адамның,
Жарамас еркек жоқ теп шулағаның.
Келіндер торсықтай бір ұл әкелсе
Тағы батыр туды деп қуанамын.

Сәт сапар жүк тасыған қазанатым,
Жолыңды періштелер тазаласын.
Сәлем айтып аман-сау жеткізіп қайт
Атымтай бауырлардың аманатын.