Мұқағали Мақатаевқа арнау – Нұрия Шәріп

Мұқағали Мақатаевқа арнау
«Ақынды ақын оятпаса, болмайды»
Деген сөзің ой-санамды торлайды,
Қаламымнан сия тамып жатқанда
Бұл сөзіңіз талантымды шыңдайды.
Дейсіз тағы: « Бір өлең – бір елдің мұрасындай»
Әр жырыңыз халыққа – мұра, маған – сындай.
Екі ойыңыз бірігіп, ұштасқанда,
Бір алып өлең жауар – бұрқасындай.
«Бала шақтан – болашақ» тұтқасындай,
Поэзияңыз осы күнде сақталуда
Елге жазған өсиет тақтасындай.
Халқына жырдан алқа тағындырған
Ақыным биік шыңды бағындырған
Сөзімнің астарында тау шыңы емес,
Поэзияшыл өлеңдері-ай, сағындырған.
Естісең құлақ құршын қандырады,
(Емес бұл бір ақынның сандырағы)
Бұл өлең, бұл сара сөз, поэзияғой...
Бұлқынып өң бойыңа еніп кетіп,
Баурап алып жан дүниеңді жандырады.
Құдіретті өлең-сөздің күшіменен,
Оқырманды ақыл-естен тандырады.
Келешекте есімі еш өшпейді –
Ұрпақтарға аманат боп жаңғырады!