Желбіресін Қазақстан жалауы – azik720

Көк туым бар секілденіп жиналғандай бар арман,
Айбынды ел аймағына рәміз болып таралған.
Тәуелсіздік сыйы болар қазағымның көк туы,
Әрқашанда биіктерде желбіреуге жаралған.

Қыран бүркіт секілденіп көкке созған қанатын,
Ашық аспан аясында талмай қанат қағатын.
Сол бүркіттей Қазақстан биіктерге самғайды,
Көк аспаннан бейбітшілік жерлерге кеп қонатын.

Аспанымда күлген күнде болсын мәңгі шуақты,
Нұрға бөлеп тұрсын дайым жерін,тауын,қыратты.
Көк аспанда жарқырасын шуақ шашып жер көкке,
Осы күндей тәуелсіздік болсыншы тек тұрақты.

Оюы бар өрнектелген көк туында қазақтың,
Бабалардан қалған мұра ғажайыбы ғажаптың.
Көк байрағым аспанымда әрқашанда желбіреп,
Болсын мәңгі елімізде арайлаған азат күн.

Жалындасын,жалындай бер тәуелсіздік алауы,
Осы еді ғой аңсап күткен бабалардың қалауы.
Сақтап мәңгі әрқашанда егемендік тұғырын,
Көк аспанда желбіресін Қазақстан жалауы!