Өлең, жыр, ақындар

Әлди, әлди, ақ бөпе

  • 23.10.2019
  • 0
  • 0
  • 10911
Әлди, әлди, ақ бөпе,
Ақ бесікке жат бөпе.
Әжелерің мерейін
Тасыт, көңлін тап, бөпе.
Ақ құндағың тұйықта,
Үйрен сағат санап,
Анаң қолын ұйытпа.

Ақ тілекті жамиға
Ағытса тілек ари ма?!
Аман өскін бал бөбек
Ақ нәресте Зарина.
Құтты болсын бесігің,
Құтты болсын есігің.
Балбыратып бойыңды,
Балдай батсын несібің.

Әлди, әлди, ақ қызым,
Жанға шырақ жақ қызым.
Құйма құлақ боп өсіп
Сырға, моншақ тақ қызым.
Шаң жуытпа бойыңа,
Қанат бітір ойыңа.
Сау-саламат ер жетіп,
Шақырып жүр тойыңа.

Әлди, әлди, сәбиім,
Кеп те қапты әниің,
Көк көзіңе сәп салып,
Әниіңді таниын.
Ойын-күлкі өрті бол,
Гүлшираға ән-күй бол,
Домбырада шертілер
От басының көркі бол.



Пікірлер (0)

Пікір қалдырыңыз

Уыз сүті қос анамның

  • 0
  • 2

Мешін жылы ақпандатқан,
Ақ түтекте туыппын.
Ақ құндақта сезе қоймай,
Не екенін де суықтың.

Толық

Ода (Мұқағали және оның ақындығы)

  • 1
  • 0

Өлкесіне өлеңнің
Ақын келіп ақ маңдай,
Жаулайтұғын жүректі
Сиқыр жырлар тапқандай.

Толық

Ана жайлы елес шумақтар

  • 0
  • 0

Томпайып бейіт қалды белең қырда,
Мұра қып қолау құба көбеңді ұлға.
Білген жоқ бірақ ана сол ұлының,
Боларын құмар өрен өлең-жырға.

Толық

Қарап көріңіз