Мерекеңмен,ұлағатты ұстаздар! – Самал Даулетова

Барша адамзат сауаттанған өзіңнен,
Қуат алған әрбір ақыл,сөзіңнен,
Додасында білімнің көшбастасам
Ол да ұстаз ,сенің төккен теріңнен.

Білімменен сусындатып санамды,
Үйреттіңіз жақсы менен жаманды.
Сіз арқылы әріптермен достасып
Сіз арқылы үйрендім мен санауды.

Әр шәкірттің жанын жете түсініп,
Мұңайса олар,тұрасыз бірге күрсініп,
Анасындай мектептегі баланың
Жетелейсіз алға қарай құлшынып.

Ұстаз деген ұлы халық ежелден,
Еңбегімен қашан да биік еленген,
Шәкіртінің оза шапса бәйгесі
Ол да бірге қуанышқа кенелген.

Мейіріммен жақын тартып баураған,
Ізденуден ешуақытта талмаған,
Болашағыңа алаңдайтын алдағы
Ұстазыңдай қамқор саған бар ма жан?!

Тұла бойы тұнып тұрған адалдық,
Сізге қарап бой түзедік, жиналдық,
Жүзіңізге сәуле шашқан тамсанып,
Армандадық,сізге қарап үлгі алдық.

Білімменен қанат қақтым сіз берген,
Алғыс айтам дана ұстаз сізге мен,
Бар жақсылық атаулының барлығын
Ұлы ұстаз үйрендім мен сіздерден.

Білімнің қойнауысыз жатқан терең,
Сізге арнап бүгін жаздым мен де өлең,
Ұстаз деген аяулы, асыл жанды
Құрметтеймін,ерекше жақсы көрем.

Ардақтысыз,ерекшесіз дарасыз,
Шәкірттердің қорғанысыз,панасыз,
Алдыңызда қарыздармыз біз дағы
Жадымызда мәңгілікке қаласыз.

Есімдері орын алған әркез төрден,
Құтты болсын мерекеңіз бүгін келген,
Барша ұстаздар қауымын құттықтаймын
Ұстаздарды ұлықтайтын ұлы күнмен!