Жанайқай

О, ағайын, теріс кетті кемеміз,
Адамдықтан алыстадық неге біз?
Ана тілін көш соңында қалдырып,
Дерті болып ғасырдың біз келеміз.

Ұлтың - қазақ, ой – санаң да тұрақты,
Лайлап өттің тарих деген бұлақты.
Сан ғасырлар қойнауынан аман өткен
Тілімізді бүгінгі ұрпақ тұралатты.

Қолдау көрмей, өзі түгіл, жаттан да,
Қансырап тұр қазақ тілі қақпанда.
Өз тіліміз аянышты хәлде тұр,
Өзге тілдер құрметтеліп жатқанда.

---