Өлең, жыр, ақындар

Мәрт көңіл

  • 28.08.2018
  • 0
  • 0
  • 3510
Иншалла, қолымда жақсы зат болса,
Жарлы, мұқтаж жандарды жарылқауға жететін,
Жаны мұңды жандарды бақыттырақ ететін.
Таразыға тартылмас, өлшенбейтін өлшеммен,
Табиғаттың өзіндей тегін сыйлық берсем мен.
Жаны жақсы жандарға жастайымнан көп сенген
Құрма ағашы сияқты жемісімді төксем мен.
Күннің нұры сияқты шапағатымды таратсам,
Түгесілмес, түпсіз пәк махаббатымды таратсам.
Балалыққа менің де кеткен еді мол есем,
Балалардың барлығын мейірімге бөлесем.
Ептілерге ұқсамай, тең, құрбыны дос көрсем,
Ең ақылды патшадай ел бірлігін ескерсем.
Алақаным жабылмай,
Атымтайдай мырза боп,
Ағайын-дос мақтанса мәрт көңілге ырза боп.
Әзиз халқым көбейіп, уайымымды азайтсам,
Заманынан озатын заты гауһар сөз айтсам.



Пікірлер (0)

Пікір қалдырыңыз

Көктем. Көктеректер

  • 0
  • 0

Бұл көктемді алты ай қыс күтіп едіңдер,
Осылай басталады екен бүкіл өмірлер.
Тал, теректер, түн бойы толғақ қысып,
Бебеу қағып, ыңырсып, уһіледіңдер.

Толық

Сіздерге, мәртебелілер

  • 0
  • 0

Иә, қате болды бұл, иә, ағат та,
Ие болып жүргендер зиялы атқа,
Зияны жоқ қандасты
Қанаты кең

Толық

Теңдік үшін мұхитқа қайық салдық

  • 0
  • 2

Дүниеде мұң ғана мұңнан да ауыр —
Мұңайғанда жол таппай тұрған бауыр,
Кегі кеткен
далама

Толық

Қарап көріңіз