Бұлданшағым – qanatuly_nauryzbai

Сыйлаған жүрегіме жарық нұрды,
Көңілімнің бүршігін жарып тұрды.
Күнім-ау шашып тұрған сәулеңнің
Қызымыр қапырығы тарықтырды.

Шуағына шомылып шұғыланың,
Анық қой бір-ақ сәтте құбыларың.
Қызғанышқа ерік берме сұранарым
Не деседе күлімкөз құрбыларың?!

Еркекпін ғой жүретін кезбеленіп,
Асықтырып сүйгенді тез демелік.
Қызғанышқа қамалып күйінесің
Қырық қыз күлімдеген кезде келіп.

Қалауым сенсің ғана жұбанарым,
Басыма қонған болар бұлда бағым.
Жүрегімнің төріндегі еркетотай
Бұлдана бермесеңші бұлданшағым.

Ұнасада мың сұлу қылымсыған,
Бірінеде бүйрегім бұрылмаған.
Ғашықпын көзбен емес көңіліммен
Жүрегімнің таңдауы жұбым саған.

Тәңірім тарту етсе шапағатын,
Тәтті күндер кешеміз махаббатым.
Түсіністік танытайық екеумізде
Өшірмей шын ғашықтың атақ атын...