Өлең, жыр, ақындар

…шығар

  • 09.11.2019
  • 0
  • 1
  • 5298
Сонау бір тұста дала бар шығар,
Қала бар шығар сол маңда.
Қамыққан бір жан қараған шығар,
Қайтқан ізі жоқ жолдарға.

Қамыққан сол жан бір қалқа шығар,
Лалаға ұқсас сұлбасы.
Жалғыз бір жанға мұң да алқа шығар,
Сағыныш шығар сырғасы.

Жалғыздық сырын жаңа ұққан шығар,
Жадағай ойды жүгендеп.
Жүрегін, бəлкім, ауыртқан шығар,
Біз секілді бір жүгермек.

Əйнегін күнге ашпаған шығар,
Сырт қалған шығар топ шынар.
Сүйген бір əнін қоспаған шығар,
Биге де зауқы жоқ шығар.

Үйін де көптен жимаған шығар,
Сұп-суық шығар бөлмесі.
Гүлдерге су да құймаған шығар,
Сыйлаған бұрын Келмесі.

Мен білсем, солай,
кешіп көр соны,
бұл қыстың сыры – сол жанда.
…Əйтпесе, көктем кешікпеуші еді,
Əудемжер ғана қалғанда.



Пікірлер (1)

Жібек

Керемет!

Пікір қалдырыңыз

Азалы күн

  • 0
  • 1

Біреуге күн,
Біреуге бүкіл ғұмыр – азалы күн,
Сен де азалысың,
Мен де азалымын!

Толық

Саған, саған

  • 0
  • 0

Саған, саған таңнан бұрын жетемін,
Тауда болсын, қырда болсын мекенің.
Терезеңді айқара ашып,
Жастыққа

Толық

Батыс дұғасы

  • 0
  • 0

Бұрын, бұрын бір сөзді білуші едім,
Іштей ғана қайталап жүруші едім,
Кейін соны ұмыттым... неге ұмыттым,
Не біліп кеп, өмірден не біліппін?!

Толық

Қарап көріңіз