Желтоқсан оқиғасы – Kamila0704

Ызғар шашқан ,ызалы күн болатын,
Қытымыр қыс, өз мезгілін алатын.
Алаңға келіп, сайламақшы еді басшысын,
Басталды содан, жастарға сонау қара түн.

Мерт болды солай, талай ұл мен қыз алашың,
Көргендей Алла сол күнгі жастар наласын.
Тәуелсіз күнді сыйлайды қазақ еліне,
Емедеп жазардай, қазақтың қатпар жарасын.

Сол күнгі болған, ызалы күнді еске алсақ,
Кейде ойлайсың, бірдей емес деп бес саусақ.
Қыршында кеткен, Қайрат, Ләззат, Ерболдың,
Қызықты күнін қайдан іздеп табасың.

Жұбатамыз кеп, батыры ғой деп қазақтың,
Қыршында кетіп, құрбаны болған азаптың.
Сол ызғарлы қыс , әкелді бізге бостандық,
Тәуелсіздікті, қазаққа сыйлап ғажап күн.