Білім ошағы

Алтын ұя мектепке бірге кірген,
Дәріс алып жақсыны бізге терген.
Күндер көп қой қызықты мектептегі,
Естелік боп, ойнап күліп жүрген.

Бойыма алаулатып күш жалынды,
Өмірге ұмтылдырған құштарымды.
Кеудеме білім сырын құйып берген,
Ұмытпаспын мәңгі бақи ұстазымды.

Білім беріп үйретті бар жақсыға,
Үйретуден жалықпас ол асыға.
Білім нәрін бойымызға сіңірген,
Ұстаздарға алғыс айтам тағы да.

Екінші анам ұстазым сіз білемін,
Сізден үлгі алып мен келемін.
Алға қойған армандарға жол сілтеп,
Бағыт-бағдар тек бір сізден көремін

Ұстаз ұлы аямайды білімді,
Ұстаз ұлы аялайды көгімді.
Ұстаз ұлы бағалайды бағымды,
Ұстаз ұлы, ұлы ұстаз ол ұлы.

---