Жау тылындағы бала

(Қасым Қайсеновтің повесінен түйген ой)
Қайран соғыс аямады ешкімді,
Жоқтау, жылау ана зары естілді.
Ортасында атыс пенен майданның
Борис пенен Серік ерте ес білді.

Фашистің сұм ұшақтары оралды,
Ауыл аудан совхоз отқа оранды.
Еш күнәсіз оққа ұшырып Жамалды,
Өлтіруге қайта келді оларды.

Ауыр қайғы қиындықтан тарылды
Жандарынан жайсаң достар табылды.
Партизан боп жеңіс үшін талпынып,
Украина батыры боп танылды.

Анасынан Серік күдер үзгелі,
Сорлы анасын ойлаудан да арылды.
Әкесінен бірақ үміт үзбеді,
Қан майданнан Мергенбаев табылды.

Жау тылында жауға қарсы күресті,
Өркөкірек немістермен тіресті.
Отаны үшін ақылменен іс қылып,
Балалар да армияға ілесті.

---