Арман қуып кетер екем! – Шұғыла Испанова

Мен космосқа баруды армандаймын !
Ой санама тылсым күшті алғандаймын .
Армандасам білмеймін не істерімді ,
Жалғыз өзім тыныштықта қалғандаймын.

Арман деген туады жүрегімде ,
Қиын екен оған жету , соны мен білемін бе ?
Жолдарым кедір-бұдыр болсадағы ,
Қадам басамын нық сеніммен, күлемінде!

Армандаймын , арман қуып кетер екем ,
Сол арманға бұйыртса жетер екем.
Көп адамдар жетті емес пе арманына ?
Менде жетем ,қорыққаным бекер екен !

Арман қусам , бақытыма барамын ба ?
Көп ойландым , өлеңіме қарадым да.
Шығарды ғой ақындар да кітаптарын ,
Мен де олардан тысқары қаламын ба ?

Иə, білемін , мəселеден қашқақтаймын ,
Бұйыртса өлеңіммен асқақтаймын .
Бəрібір қанша рет мен жеңілсемде ,
Арманымнан ешқашан да бас тартпаймын!