Фараза, Фариза жан, Фариза ақын!!!

Ақындықтың арайланған ақ күнісің,
Шерге баттың еліңнің шаттығы үшін.
Фариза, Фариза жан, Фариза ақын
Сен қазақтың қасиетті аққуысың.

Жырларыңмен жол салдың жекелеген,
Өлеңдерің алға елді жетелеген.
Мұқағали сияқты дара тұлға
Дәл сізге арнамаған бекер өлең.

Өлсең де ұмытылмас есімің еш,
Өлеңдерің тоқтатпайды өсуін еш.
Өмір дейтін дәптерге із қалдырдың
Өлеңіңмен ешқашан өшірілмес.

Қамыққан көңілдерді көп емдедің,
Сол себепті көп болды көрерменің.
Сен озсаң да өмірден, емдеп жатыр
Жараланған жандарды өлеңдерің.

Сен тіріде аспанда арай тұрды,
Тірі болсаң жазар ең талай жырды.
Тағдыр дейтін тасжүрек сендей гүлді,
Өмір дейтін бақшадан қалай жұлды.

Күндей едің қазағыма жарық берген,
Шын дерегін бақыттың алып келген.
Тарих дейтін кітапқа алтын атың,
Жазылады мәңгі алтын әріптермен!!!

---