Ұлы жеңіске 70 жыл – Қадіржан Алдахов

Ұлы жеңіс күні келді еліме,
Ұлы жеңіс күні келді жеріме,
9 мамыр - қуанышы халқымның,
Ұмытылмас жүректегі жарқын күн!

Ұлы жеңіс - қуанышты мереке,
Жеңіспенен келді бізге береке.
Таусылмасын ешқашанда той-думан,
Құтты болсын 70 жылдық мереке!

Бүкіл елім аңсап еді бұл күнді,
Зұлым соғыс бұзған еді күлкімді.
Міне бүгін Жеңіс күні ғажап-ақ!
Жүрегіме ағыл-тегіл жыр тұнды.

Елімізде бейбітшілік орнады,
Орындалды адамзаттың арманы.
Оралмаған ортамызға ерлердің
Өкінішті, орны әттең толмады.

Отқа түскен ұрпағы үшін, ел үшін,
Бауыржандай айбыны асқақ атамыз.
Рейхстагқа Рахымжан ата ту тікті,
Олар жайлы айтылады жыр аңыз.

Шығыстың жарық жұлдызы,
Әлия, Мәншүк - асылдар!
Қасым, Талғат, Есқайыр,
Жарқылдаған жасындар!

Ел қорғаған батырлардың ерлігін,
Құрметпенен еске алады ел бүгін.
Тәуелсіздік туы бүгін желбіреп,
Гүлге оранды ауыл-аймақ, төр бүгін!

Авторы:Қадіржан Алдахов