Оян, жастар! – Қаракөз Нұржанқызы

"Оян" деп ұран салам жастарыма,
Оянбай біреу ісің бастады ма?!
Еңбек қылсаң, еліне қорған болсаң,
Қара бұлт үйірілмес аспаныма.
Болашақтың біз үшін кілті сендер,
Ояныңдар, еңсені де көтеріндер.
Көзіңді ашып айналаңа қарайласаң,
Ойын- күлкі, құр жатыс бәрі бекер!
Дайын асқа түп қасық болмау керек,
Ертеңді ойлап елді де қорғау керек.
Еңбекқор да жігерлі болу үшін,
Ой- санамыз жалқаулыққа толмау керек!
Зиянды әдеттерді қоя алмасаң,
Көңілің жалқаулыққа тояр қашан?!
Адам болмай өтесің өмір бойы,
Еріншек болып, намыспен оянбасаң!
Өзгелердің аңдымай қолда барың,
Өз бетінше өмір сүр, қор болмағың.
Қатарыңнан кем болмай жүру үшін,
Жөн болар, ақылға салып оянғаның!
Арамдыққа көңілін боялмасын,
Басын да түрлі жаман ой алмасын.
Шымбайына батқан соң ащы шындық,
Оянарсың бір күні, оянарсың...
Істен бұрын сөзді көп алға қойған,
Шыға алмайды әр түрлі жаман ойдан.
Жақсы менен жаманды айыра білу-
Көзі ашылып, көкірегі оянғаннан!
Мінездің ауыстырмай әр түрлісің,
Елге арнап жасау қажет еңбек күшің.
Аналарың дүниеге әкелген ғой,
Отаныңа бір пайдаң тиюі үшін!
Адамдардың қарамай сыртын, ішін,
Дүниенің таңдамай түрің, түсің.
"Өзім десең өгіздей күшің бар-ау",
Еліне де арналмай ма жақсы ісің?!
Ояныңдар жастарым, нық жүріндер,
Халқыңменен бір қуанып, бір күліңдер.
Өздеріңді өздерін қолға алып,
Өмірді жалқаулықсыз өткізіңдер!
Есіл өмір қас қағымда өте шығар,
Шалыс басқан қадамынның орны толар.
Қазақстанның болашағына аландасаң,
Оянып, еңбек етсең дұрыс болар!